Blierik: Versjèl tösje versies

Verwijderde inhoud Toegevoegde inhoud
Tekslien 3:
 
==Historie==
Blierik bestoont in de Romeinsen tied as neerzètting mèt de naomnaam ''[[Blariacum]]'', aan d'n heerweeg van ''[[Mestreech|Mosae Trajectum]]'' nao ''[[Nimwege|Noviomagus]]''. Sins de oontwikkeling van Venlo tot stad (dees plaots kraog stadsrechte in [[1343]]) waas Blierik sterk op Venlo gerich. Door de väöl belegeringe die Venlo mós doorstoon raakde Blierik, neet wie Venlo bersjèrmp door [[walmör]], dèks verweus door oorlogsgeweld. Heidoor heet de plaots weineg alde monuminte. Blierik is daodoor evels wel ummer vaan groete militair beteikenis gewees: al in [[1450]] woort hei e fort gebouwd. In [[1643]] woort dit vervange door 't Sint-Michaelsfort, gebouwd door de Spaanjerds. In [[1831]] volgde Fort Leopold, gebouwd door de Belzje opstandelinge. Op dees groond steit sins [[1913]] de Frederik Hendrik-kazern. Blierik waor tot aon de [[Fraankriek|Franse]] vereuvering in [[1794]] 'n oonaofhenkelek [[kerspel]], wat neve Blierik-dörp ouch Houblierik en D'n Bokent umvatde. De ander kerne woorte ''rotte'' geneump. Blierik huurde in 't [[Hertigdóm Gelder]], wie Venlo. Nao de [[Spaonse Successieoorlog]] kaom Venlo evels in Nederlandse hen en kaom Blierik aon [[Pruse]]. De res kaom bovedeen aon [[Oosteriek]].
 
In 1794 kwaoe de Franse bezètters mèt 'n gemeinteleke herindeiling: alle kleine gemeintes woorte opgeheve en samegevoog. Heejdoor kwaam 't aajd kerspel Blierik in de gemeinte [[Bree (Nederlands Limburg)|Bree]] te ligke, same mèt Bree en [[Baolder]]. Dees situatie woort nao de Franse bezètting gecontinueerd. De gemeinte waas evels sterk verdeild umtot Blierik ziech ummer mie versteidelekde en op Venlo riechde, dewijl Bree en Baolder lendeleke plaotse bleve. 't Dörp kaom aon de spoorlijne van Venlo nao [[Eindhove]] en van Venlo nao [[Nimwege]] te ligke en kraog in [[1869]] 'n eige statie. In [[1876]] vestegde de zösters vaan de Oonbevlkede Oontvangenis zich in Blierik. Ze zouwe decennislaank hunne stumpel op 't Blieriks dörpsleve duie. In de twintegste iew begós Venlo poginge te doen veur Blierik te annexere, iets boe de Blierikse bevolking en de Breese raod sterk taege ware. Nao mislökde poginge in [[1911]] en [[1929]] woort oetindelek in [[1940]] de euvergang van Bree nao Venlo doorgeveurd. Auk Houblierik en D'n Bokent woorde heejbeej geannexeerd. Op [[3 december]] [[1944]] woort Blierik bevrijd door de Geallieerde.
Aafkomstig van Wikipedia, de Vriej Encyclopedie. "https://li.wikipedia.org/wiki/Blierik"