Blierik: Versjèl tösje versies

Verwijderde inhoud Toegevoegde inhoud
Sindala (Euverlèk | biedrages)
Tekslien 3:
 
==Historie==
Blierik bestoont in de Romeinsen tied es neerzètting mèt de naom ''[[Blariacum]]'', aonaan de heerweeg vaan ''[[Mestreech|Mosae Trajectum]]'' nao ''[[Nimwege|Noviomagus]]''. Sins de oontwikkeling vaan Venlo tot stad (dees plaots kraog stadsrechte in [[1343]]) waor Blierik sterk op Venlo geriech. Door de väöl belegeringe die Venlo mós doorstoon raakde Blierik, neet wie Venlo bersjèrmp door [[walmör]], dèks verweus door oorlogsgeweld. Heidoor heet de plaots weineg aw monuminte. Blierik is daodoor evels wel ummer vaan groete militair beteikenis gewees: al in [[1450]] woort hei e fort gebouwd. In [[1643]] woort dit vervange door 't Sint-Michaelsfort, gebouwd door de Spaanjerds. In [[1831]] volgde Fort Leopold, gebouwd door de Belzje opstandelinge. Op dees groond steit sins [[1913]] de Frederik Hendrik-kazern. Blierik waor tot aon de [[Fraankriek|Franse]] vereuvering in [[1794]] 'n oonaofhenkelek [[kerspel]], wat neve Blierik-dörp ouch Houblierik en D'n Bokent umvatde. De ander kerne woorte ''rotte'' geneump. Blierik huurde in 't [[Hertigdóm Gelder]], wie Venlo. Nao de [[Spaonse Successieoorlog]] kaom Venlo evels in Nederlandse hen en kaom Blierik aon [[Pruse]]. De res kaom bovedeen aon [[Oosteriek]].
 
In 1794 kaome de Franse bezètters mèt 'n gemeinteleke herindeiling: alle klein gemeintes woorte opgeheve en samegevoog. Heidoor kaom 't aajd kerspel Blierik in de gemeinte [[Bree (Nederlands Limburg)|Bree]] te ligke, same mèt Bree en [[Baolder]]. Dees situatie woort nao de Franse bezètting gecontinueerd. De gemeinte waor evels sterk verdeild umtot Blierik ziech ummer mie versteidelekde en op Venlo riechde, dewijl Bree en Baolder lendeleke plaotse bleve. 't Dörp kaom aon de spoorlijne vaan Venlo nao [[Eindhove]] en vaan Venlo nao [[Nimwege]] te ligke en kraog in [[1869]] 'n eige statie. In [[1876]] vestegde de zösters vaan de Oonbevlkede Oontvangenis ziech in Blierik. Ze zouwe decennislaank hunne stumpel op 't Blieriks dörpsleve duie. In de twintegste iew begós Venlo poginge te doen veur Blierik te annexere, get boe de Blierikse bevolking en de Breese raod sterk tege waore. Nao mislökde poginge in [[1911]] en [[1929]] woort oetindelek in [[1940]] de euvergang vaan Bree nao Venlo doorgeveurd. Ouch Houblierik en D'n Bokent woorte heibij geannexeerd. Op [[3 december]] [[1944]] woort Blierik bevrijd door de Geallieerde.
Aafkomstig van Wikipedia, de Vriej Encyclopedie. "https://li.wikipedia.org/wiki/Blierik"