Potvès: Versjèl tösje versies

De potvès lif in alle wereldzieë die häöm deep genoog zien. Aof en touw kump 'r ouch in de [[Noordzie]] terech, bij vergissing. Umtot heer dao weineg voodsel vint en neet deep kin doeke, raak heer oetgehoongerd en gedesoriënteerd, en störf heer meistens in zie of op 't straand. In de late jaore negeteg zien veural in [[Nederland]] herhaoldelikherhaoldelek potvèsse aongespeuld; dit sjrijf me touw aon 'n greuj in hun aontal door 't ind vaan de jach op potvèsse.

De potvès heet 'n gemiddelde lèngde vaan 18 meter en e gewiech vaan 50 ton; heimèt is heer de groetste vaan de tandwalvèsse, en ouch 't groetste bies mèt tan, die heer evels allein op d'n oonderkaak heet en neet wezelikwezelek gebruuk veur te ete. Zie lief vèlt op door d'n apaarte vörm: twie bölte op de rögk en 'nen enorme, bekaans veerkentege kop. In e groet deil vaan dee kop zit 'ne witte, sjroepege vleujstof, die aon [[sperma]] deit dinke (vaandao d'n [[Ingels]]e naom ''sperm whale''); dit is waorsjijnlik bedoeld veur tegedrök te levere wienie de potvès op groete deepde - de potvès kin tot minstes 2200 meter deep, woemèt 'r deper kump es welk ander zoegdier ouch - mèt sterke waterdrök te make krijg.