Elisabeth (veurnaam): Versjèl tösje versies

Verwijderde inhoud Toegevoegde inhoud
Geen bewerkingssamenvatting
(gei versjil)

Versie op 11 aug 2005 11:26

(Valkebergs)

Elisabeth ies 'n maedsjesnaam, aafgeleid van 't Hebreeuwse Elisjeba (= God ies mien eed of: miene God ies volheid) De naam ies door väöl keuninginne en vorstinne gedrage. Aafkortinge: Bet, Bets, Betty, Els, Elly, Elise, Elza, Lies, Lilly, Liza, .


Elisabeth oet de biebel, ies de vrouw van de preester Zacharias. Op ouwere laeftied kreeg zie 'ne zoon dae Johannes woort geneump. Dit ies de latere Johannes de Duiper of Sint-Jan. Zie waor oet 't gesjlach van Aäron en ein niesje van Maria, de mam van Jezus.


Elisabeth van Thüringen waor 'n dochter van Andreas II van Hongarije. Gebore in Sarospatak, Hongarije in 1207 en gesjtorve in Marburg op 17 nov. 1231. Zie trouwde in 1221 met Lodewijk IV van Thüringen en kreeg 3 kinger. Door häöre beechvader, Koenraad van Marburg, woort zie geistelek beinvloed. Bie de groate hóngersnoad in 1226 holp ze de erm luuj op 'n heldhaftige wies. In 1227 woort ze weduwe umdat Andreas op weeg nao de kruustochte sjtorf.

Elisabeth woort toen oet häör kesjtièl, de Wartburg, verbanne en weggesjtuurd, meh door bemieddeling van o.a. Gregorius IX kreeg ze geld en good in Marburg. Daovan leet zie 'n Franciscus-hospitaal boewe, woa-in zie zelf kranke en erm luuj ging verzörge. Veer jaor nao häöre doad woort zie door paus Gregorius heilig verklaord.

Zie weurt meistal aafgebeeld mèt roaze in häöre sjoat meh ouch waal mèt 'ne bedelaer. Ze ies de patrones van de caritas, de fièsdaag vèlt op (17) 19 november.


Elisabeth van Portugal (Port. en Sjpaans: Isabel[la]) waor 'n dochter van de keuning van Arágon, Peter III. Gebore in Estremoz in 1271 en gesjtorve op 4 juli 1336. De duipnaam Elisabeth kreeg ze van häör oudtant Elisabeth van Thüringen. Zie trouwde mèt keuning Dinis van Portugal. Zie weurt de 'ingel van de vrae geneump', umdat zie ziech inzat veur vrae ónder de vorste. Twiè hospitale zint door häör gesjtiech in Santarém en in Leiria. Wie ze weduwe waor in 1325 trok ze ziech truuk in 'n kloaster van de orde der Clarissen in Coimbria. In 1625 ies Elisabeth heilig verklaord. De fièsdaag vèlt op 8 juli.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Elisabeth_(veurnaam)&oldid=10640"