Verwijderde inhoud Toegevoegde inhoud
Sjef Sjötjes (Euverlèk | biedrages)
Geen bewerkingssamenvatting
Sjef Sjötjes (Euverlèk | biedrages)
Geen bewerkingssamenvatting
 
Tekslien 2:
 
Jao: de man haet geliek. Communicere in 't Limburgs plat is futiel, onneudig, zinloos en nemes wört d'r 'n haor baeter van. Juust wie 't loestere nao de messe van Haydn, 't laeze van sjtökskes van Karel van het Reve, of 't drinke van 'ne gooje Barolo. Waat 't Limburgs plat meet dees anger volsjtrekt nutteloze dinger gemein haet, is det 't zo sjoon is. Raeje genog om diene tied d'rin te sjtaeke.
 
Ich probeer om bie 't sjrieve 't Waers aan te haoje, 't plat van De Weerd, gehuch tösje Remunj en Häör. Äoveriges zeen Waers en Häörs väör zowiet ich 't zeen min of meer inwisselbaar. Emes dae wirkelik good Häors of baeter nog Waers sjpriktj, is van herte oetgeneudigd om mien sjriefsels te corrigere. Waarsjienlik besjteit det Waers as zodanig überhaupt al neet meer in ziene zuvere vörm.
 
Väör zover ich al plat sjpraek, zeen 't - wie bie väol van mien generasiegenote (30-) - drie dialecter doorein. Grammaticaal verbaeteringe zeen dus werm aanbevaole, ich kòn mich dao oerelang mit ammezeire - al vermeltj 't gebroekersportaol heel sjtreng det äoverlègkpingina's neet zeen besjtumdj väor ge-oh. Det is waarsjienlik door emes gesjreve zeen dae dinktj det det äoverligk nuttig mot zeen.
Aafkomstig van Wikipedia, de Vriej Encyclopedie. "https://li.wikipedia.org/wiki/Gebroeker:Sjef_Sjötjes"