De Nuujsjtad, vreuger Elsene, kraog in [[1263]] [[stadsrechte]] en weurt in [[1277]] veur 't iers es ''Nuie stad'' aongeduid. 't Laog in deen tied in 't [[Amb Mofert (bestuursdistricbestuursdistrik)|Amb Mofert]]. Allewel tot 't belaank es woen- en handelsplaots klein waor had 't welzeker 'n veurnaom militair functie: zoe deenden 't in [[1398]] es vesting in de stried tösse 't [[Hertogdóm Gelder|Heertogdom Gelder]] en 't [[Prinsbisdóm Luuk|Prinsbisdom Luik]]. In [[1583]], tijens de [[Tachetegjäöregen Oorlog]], woorte de vestingwerke verweus en neet mie herstèld, woedoor 't stedsje häör militair wierde verlaor. Tot [[1715]] bleef 't gebeed in [[Hoes Habsburg|Habsburgs]] bezit; doe woort 't (mèt o.a. [[Venlo]]) aon de Nederlen euvergedraoge. In [[1794]] woort 't Amb Mofert oontmanteld en woort De Nuujsjtad zelfstendeg verklaord. 't [[Congrès vaan Wene]] zörgde in [[1815]] veur 'n klein grenscorrectie. Tot [[1982]] waor De Nuujstad 'n zelfstendege gemeinte; in dat jaor woort 't aon Zöstere touwgeveug. Sins [[2003]] huurt 't bij Ech-Zöstere.
