Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Zeumere, ouch waal ouste geneump, is ’t biejeinrape (laeze) van o.m. aore nao ’t meije van ’t kaore. Dit woort vreuger gedaon door erm luuj die op 'n ermelies sjtónge vermeldj. Tiedes 't Ancien Regime waas allein mèr toegesjtaon óm dit euverdaag te doon, went èns emes dit sjnachs deeg woort dit es deefsjtal besjouwd. Ouch valide luuj en luuj in deens es daagloaner mochte dit neet doon op sjtraofe van ’n geldjboete.

Taengewoordig sjteit zeumere veur ’t beijeinzeuke van allerlei kleinigheje, die me dan 't gezeumers neump.

Etymologie bewirk

Zeumere beteikent verzamele van aeteswaar, zjus wie laeze, en dit zeumere deeg me in de hoage zomer, 'n woord dat van zeumere is aafgeleid. Laeze in de beteikenis van passief taalgebroek is pas later óntsjtaon en is ouch 'n vorm van verzamele van kènnis. 'ne Richtige en nuje Limburgse naam veur 'n encyclopedie zauw Zomerbook of Gezeumer kènne zeen.

Trevia bewirk

 
Wiktionair
Zeuk de definitie, vertalinge, oetsjpraok en dialekvariante van zeumere op in de Wiktionair.

In Limburg en Luuk geuf 't versjeije aerpelboere die gaer höbbe dat luuj op hun veldj, nao de ougs, gaon zeumere. Zoa höbbe ze minder las van 't opkómme van aerpelsjtruuk went ze 'ne tösjeteelt zètte.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zeumere&oldid=452399"