Woiwodsjap Silezië

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Neet te verwarre mit de historische regio Silezië.

---

Woiwodsjap van Pole Silezië
Hoofplaats	Katowice
Opperflaakde	12.294 km²
Inwoeners – deechde:	4.585.924 (31-12-2014) 373/km²
woiwode	Zygmunt Łukaszczyk
Kreise	19 Kreisfreie Städte 17 Kreise
Gemeintes	166
Website	Website va silezië

Woiwodsjap Silezië (Pools: Województwo śląskie; Silezisch: Ślůnske wojewůdztwo) is 'n woiwodsjap i Pole. Zie is in 1999 óntsjtange oet de woiwodsjappe Katowice, Częstochowa en Bielsko-Biała. Silezië grens aan Opole in 't weste, Łódź in 't noarde, Świętokrzyskie en Kling-Pole in 't oeëste. 't Óppervlak va de woiwodsjap besjleet de ouw sjtreke Silezië, Kling-Pole en Galicië. Aan 't zude grens de woiwodsjap aa Tsjechië en de Sjlowakei. Höar hoofsjtad is Katowice.

Geografie

Silezië is ee va de mieëts deechbevólkde woiwodsjappe va Pole. Dat gild vuural vuur 't sjtedelig gebeed va Katowice. De bevólking va dit gebeed gruijde massief durch de groeëtsjalige sjteenkoalewinning aan 't ing va de nuëgetiende ieëw. 't Óppervlak va de woiwodsjap kunt uëveree mit "Hoeëg Silezië", 't oeëstelig deel va ge ouw Silezië. Anger deler va de ouw sjtreek ligke i g'n woiwodsjap Opole en Neder-Silezië, d'r Dütsjen bóndssjtaat Sakse en kling sjtökker va Tsjechië. De Beskide zint de grens mit Tsjechië en de Sjlowakei.

Sjteë

Sjteë mit mieë es 100.000 iwuënesj zint (sjtank: 30-06-2015):

Sjtad	Aatal iwuënesj
Katowice (Kattowitz)	300.797
Częstochowa (Tschenstochau)	229.086
Sosnowiec (Sosnowitz)	208.321
Gliwice (Gleiwitz)	183.970
Zabrze (bis 1915: Zabrze; Hindenburg O.S.)	176.825
Bielsko-Biała (Bielitz-Biala)	172.781
Bytom (Beuthen O.S.)	171.515
Ruda Śląska (Ruda O.S.)	140.212
Rybnik	139.866
Tychy (Tichau)	128.480
Dąbrowa Górnicza (Dombrowa)	122.923
Chorzów (Königshütte)	110.215

Reviere

• Oder
• Weichsel
• Warthe

Economie

I Silezië guëf 't nog sjteenkoalewinning en zjwere indoestrie, meh óch de auto- en de elektroindoestrie zint wichtig. De woiwodsjap gild óch as ee va de miets indoestrialiseerde woiwodsjappe va Pole.

Boeëmsjatte

Neëve sjteenkoale weëd óch zink en loeëd gedólve.

Toerisme

Toerisme is 'n wichtige brón van ikomste. Vuural de bergtóppe va de Beskide gilde es trèkpleistesj.

Natoer

Neëve de berg va de beskide hat Silezië inkel sjpeciale natoergebeder, wie de Blędów-weuste. Dat is e drei à veer kilometer breid zankgebeed en zie hat e totaaloppervlak van 32 km². Dit gebeed is untsjtange in 't letste iestied. I de twintigste ieëw hat zie nag kènmerke van 'n echte weuste, meh hüts gruie allezeleëve mieë plante. Dit is ee va de wieënige weustes in Europa.

Galerie

• 
  Blędów-weuste
• 
  De rotspartieje in 't bergland va "Jura Krakowsko-Częstochowska"
• 
  De koel va Bytom
• 
  'n Ouw mienarbeiesjbuët i Zabrze
• 
  Katowice
• 
  E kesjtieël i Będzin

Externe links

Commons: Silesian Voivodeship – Media gerelateerd aan dit óngerwerp

• Website mit informatie uëver Silezië ((de))