Vereniging STOP awacs
Dit artikel is gesjreve (of begós) in 't Sjilves. Laes hie wie v'r mit de versjillende saorte Limburgs ómgaon.
Vereniging STOP awacs is 'n aksiegroep oeet Zuudoost-Limburg diej zich tot doel sjtilt om de uëverlas, dae veroeërzaakt wuuërt doeer de uëvervlegende AWACS-mesjieene vanaaf de vlakbieej gelaege Duutsje NAVO-basis Gillekirke, aan te vechte.
Gesjiedenis bewirk
De vereniging haet mieë es 400 lede mit een tieënkuppig besjtuur dat geholpe wuuërt doeer een aantal deskundige. De vereniging haet de fakkel uëvergenomme van de vêul aksieveurende inwoeënesj oeet Ongerbanke en omstrieëke. Diej vechte al sins de reaktivering (1978) van het militair vleegveld in Gillenkirke taege de uëverlas dae veroeërzaak wuuërt doeer de uëvervlegende AWACS-toesjtille. De kabaaluuëverlas en oeetsjtoeët van oeetloatgaze deed de inwoeënesj in aksie komme taege de AWACS, de NAVO en de Hollesje- en Duutsje uëverheed.
Sjtand van zake bewirk
Ofsjoeën de NAVO al joare beloaf verbaeteringe aan te bringe aan de zjwoar ouwerwitse toesjtille gebuuërt praktiesj nieks om de uëverlas truuk te dringe. De aksiegroep kump op vuur de belange van de burgesj in dees sjtrieëk, diej finaal taegenuëver de militair belange sjtoan. ‘t Doel van de vereniging is om op een geweldloos en vreedzaam maneer te sjtreve noa een sjleting van de AWACS-basis vuur noee en vuur ummer in Gillenkirke. De Vereniging STOP awacs is neet antimilitair, 't geet hêur alleen om een inj te make aan de uëverlas van de vleegmesjieene.
RIVM-ongerzeuk bewirk
Oeet een ongerzeuk van 't Rieekksinsjtituut vuur Volksgezondjheed en Milieu, opgesjtild in opdrach van 't ministerie van VROM, bliek dat mieë es 41.000 luuj in Oostelijk Zuud-Limburg ernstige hinjer ongervinge doeer de AWACS-vleegmesjieene. Citeerfout: Ónzjuuste tag <ref>; ónzjuuste name, beveurbeildj te väöl Aan het ongerzeuk dinge ruum 2500 luuj mit. In de sjriftelijke enquête gove vuural inwoeënesj van Ongerbanke, Sjènne en Bronssum aan, vêul hinjer te hubbe van de AWACS-vliegmesjieene. In Sjilvend klaag 72 procent. In Bronssum ligk dat percentage boave de 50. De bewoeënesj klage uëver geluidsuëverlas(kabaal), kerosieensjtank en hinjer doeer al dat gedaver. Ooch zigke vêul luuj te waere gesjtuuërd in hunne sjloap.Citeerfout: Ónzjuuste tag <ref>; ónzjuuste name, beveurbeildj te väöl
't EHRM bewirk
In januari 2008 hubbe lede van de Vereniging STOP awacs een klach ingedeend taege de Hollese sjtaat bieej 't Europese Hof vuur de Rechte van de Miensj.Citeerfout: Ónzjuuste tag <ref>; ónzjuuste name, beveurbeildj te väöl Ziee dene een klach in op grondj van sjendinge van de volgende artiekele in 't Europees Verdraag vuur de Rechte van de Miensj:
- art. 2: rech op laeve
- art. 3: verbod op martele
- art. 6: rech op een ieërlik proces
- art. 8: rech op privacy
- art. 13: rech op daadwerkelik rechsmiddel
D'r sjtap noa 't Europese Hof is meugelik noa de oeetsjproak van de Road van Sjtate op 18 juli. Dae oeërdeelde dat een vrieesjtilling van de minister van VROM vuur de kap va 6 hectare buusj in Sjilvend twieë joar gelejje, ten onrechte woar gegaeve. Wat betref de NAVO-verplichtinge van Nederlandj kan in jieëder geval waere betoog dat Nederland oeeteindelik gebonje is aan het EVRM en dat de bepalinge in dit verdraag ooch al vanwaege hunne fundamentele aard vuurgoan.
Trevia bewirk
't Commando van d'r NAVO-basis is altied in de heng van 'ne Hollendsje militair. Saer juni 2008 is Ton van Happen d'r kolonel. Z'ne väörgenger, Jelle Zijlstra, is noe tewèrkgesjtèld bie 't Ministerie van Defensie[1]
Literatuur bewirk
- Henri Haenen en Marcel van Hoorn, De slag om de Schinveldse Bossen. Mestreech: TIC, 2006.