Veenendaal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Veenendaal in de provincie Utrei

Veenendaal is 'n plaots en gemeinte in 't zuidooste vaan de provincie Utrei, aon de voot vaan d'n Utreisen Heuvelrögk, mèt per 1 juli 2005 61.557 inwuners en 'n oppervlak vaan 19,81 km², woevaan 2,30 km² water.

Stadsfuncties

Veenendaal is vaanajds 'n industrieel centrum in de regio. Vreuger bleujde hei oonder mie de wolindustrie, de törfverwèrking (vaandao de naom) en de sigaorenindustrie. Allewijl is de stad veural e deenstecentrum.

Stadsgeziech

De Grift in Veenendaal

Umtot Veenendaal ziech pas in lateren tied tot 'n stad oontwikkeld heet kint 't weineg monuminte. De febrikke oet d'n industrietied zien meis gesloop en vervange door ketoer- en woenbebouwing. Wel heet me daobij väöl rekening gehawwe mèt 'ne rojmen opzet en väöl parkgebeed: Veenendaal gelt es ein vaan de greunste stei vaan Nederland.

Historie

In de vieftiende en zestiende iew oontstoont Veenendaal es törfkolonie. D'n törf woort via e kenaal, de Grebbe, Grift of Valleikanaal nao de Nederrien versjeep, en aon dit kenaal oontstoont de plaots Veenendaal. In de late negentiende iew kaom de industrie op, die tot 1950 't bild en de economie vaan de stad bepaolde. Sinsdeen höbbe ziech veural bedrieve oet d'n deenstesector hei gevesteg. Tot 1960 waor de plaots oonderverdeild tösse de provincies Utrei en Gelderland; in dat jaor kaom dao door 'n grenscorrectie ein gemeinte Veenendaal.

Bekinde Veenendalers

• Kees Stip, (25 augustus 1913), dichter (†2001)
• Rik Valkenburg, (20 november 1923 - 23 april 1994) sjriever
• Frits Wester, (29 maart 1952), journalist
• Bram van Odijk, (22 september 1954), politicus
• Rob Barel, (23 december 1958), triatleet
• Stef Bos, (12 juli 1961), zenger
• Ralph van Manen, (1961), artiest
• DJ Jean, (7 mei 1968), diskjockey
• Yuri Landman, (1 februari 1973), striptekenaar, muzikant en experimenteel snaarinstrumentoontwerper
• Klaas van Kruistum, (6 oktober 1976), diskjockey
• Daryl van Wouw, (1977), mode-ontwerper
• Gerald Troost, (1978) artiest
• Wim Blijenberg, vootballer
• Jan Gaasbeek, vootballer

Externe link

• http://www.veenendaal.nl

Commons: Category:Veenendaal – Media gerelateerd aan dit óngerwerp