Valladolid
Dit artikel is gesjreve (of begós) in 't Breuker. Laes hie wie v'r mit de versjillende saorte Limburgs ómgaon.
Valladolid is 'n sjtad in 't noordweste va Sjpanje, aan de reveer de Pisuerga. 't Is de hoofsjtad van de provincie Valladolid en van de autonoom regio Castilië en Léon. De sjtad haat óngevier 320.000 inweunesj. In de volksmónd waert de sjtad aoch waal Pucela geneumd.
Historie bewirk
Valladolid woert in de 10e ieëw veruëverd van de More, meh haw nog neet väöl beteikenis pès de handelspositie in de 12e en 13e ieëw begós te versjterke. In de 15e ieëw waor de plaatsj d'r zieëtel van de vorste va Kastilië. 't Bleef de hoofsjtad pès 1531, wie Filips II de hoofsjtad nao Madrid verplaatsjde. Tösje 1600 en 1606 waor de sjtad opnuuj hoofsjtad.
D'r óntdèkkingsreiziger Christoffel Columbus, óntdèkker van de Nuuj Welt, waor hie gesjtorve en begrave.
