Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Urologie

Urologie is 'n chirurgische specialisatie inne genaeskónde die zich besjeftig mit veurnamelik operatieve behanjelinge vanne urienwaeg bie manskaerelen en vrólje, enne geslechsorgane van manskaerele.

Organe die óngere urologie valle zeen de nere, urienleiers, blaos, urienbuus enne mennelike organe penis, 't scrotum mit ónger angere teelbel enne prostaot.

De urologie behanjeltj 'n väölheid aan gans versjillige gekrenkdjes en perbleme, wie neerstein, prostaothypertrofie, prostaotkanker, impotentie en SOA's; ouch vasectomie wuuertj veurnamelik door urologe oetgeveurdj.

De nefrologie is d'n internistischen taengenhenger vanne urologie. Nefrologe behanjele neerpatiënte mit ónger anger mediciene en dialies en operere dus neet.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Urologie&oldid=431197"