Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'nen Uul.

D'n órde van d'n uul (Letien: Strigiformes) bevatj de vólgendje twieë femieljes:

Ule höbben e róndj, aafgeplat gezich mit groeate nao veur gerichdje öig die vas in 't sjedel staon. Óm dus in diverse richtinge te kinne kieke, mót d'n uul steeds de kop drejje, waat ule den ouch zieër good kinne. Ze höbben 'ne haoksnavel en krachtige klawwe aan häör puuet, die dök dichbevaerdj zeen. Ule höbbe groeate öig die helpen 'ne proeai in 't duuster te óntdèkke. Ze vlege dök geruusloeas dore nach op zeuk nao proeaidere, wie muus. Euverdaags wuuertj 'ne slaopendjen uul soms aangevalle door kleinder veugel wie buzerdje, die 'm perbere te doeaje, om zelf neet 's nachs door 'm gedoeadj te waere es ze slaope. D'n uul sleup euverdaag en jeug 's nachs. Ule nestele in 'ne holle boum, op de gróndj of in geboewe. Omdet ze kórtbie slech zeen, kinne ze zelf gein ès boewe. Ze nömme döks 't ès van 'nen angere voeagel wie 'nen èkster, dae ze verjagen of doeaje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ule&oldid=352415"