Steve Stevaert
- Dit artikel is in versjillende Limburgse dialekte gesjreve. Ómdat 't plaotsgebónje is maogs doe 't ómzètte nao 't Hessels, as te dit dialek sjpriks.
Steve Stevaert (Rijkhoven, 12 april 1954 - Hasselt, 2 april 2015) gebore Robert Stevaert) ies 'ne prominente Vlaamse politicus van 't Sociaal Progressief Alternatief (SP.a).
Nao zien sjtudie aan de Hoager Hotelsjoal weurt Stevaert in 1972 cafébaas. In de periode 1985-1995 ziet hae in de provincieraad van Belsj Limburg.
Stevaert woort in 1995 burgemeister en gemeinteraodslid in Hasselt woa hae landelike en internationaal bekèndheid kreeg door 't inveure van gratis openbaar verveur in 1997. Ziene bienaam 'Steve Stunt' haet hae ónder andere hie-aan te danke.
Van 1995 tot 1999 ziet Stevaert in 't Vlaams Parlement. Daonao woort hae Vlaams vice-premier en minister van Mobiliteit en Ruumdelike Ordening tot 2003. In dat jaor volgde hae Patrick Janssens op es veurzietter van de SP.A en kièrde hae truuk nao 't Vlaams Parlement.
Op 25 mei 2005 maakde hae bekènd dat hae Hilde Houben-Bertrand opvolg es gouvernäör van de provincie Limburg. Hae begoes in dees functie op 1 juni 2005; Caroline Gennez volgde häöm op es veurzietter van de SP.A. Stevaert ies nao eige zègke oet de nationaal politiek vertrokke umdat hae gein euvergangsfiguur es gouvernäör wol höbbe. Hae ies de vieftiènde Limburgse gouvernäör en de ièrsjte van socialistische sjtrekking.
Öp 7 juni 2009 nèmt Stevaert oontsjlaag es gouvernäör ömdat dis protocolair funktie 'm te zieër belemmert öm zich oet te kalle över aktueel politieke zakes. E zów werre ópgevólgd dör 'ne socialist, dit woeërt Herman Reynders. Heer woort tenao minister vaan Staot.
In 2015 kaom Stevaert in opspraok naotot 'n vrouw häöm vaan verkrachting besjöldegde. Allewel tot Stevaert sjöld oontkós (en pas nao laank aonhawwe touwgaf tot heer seksueel contak mèt häör had gehad), kaom de zaak veur de straafrechter. Op 2 aprèl vaan dat jaor raakde heer vermis; oetindelek bleek heer ziech in 't Albertkenaal te höbbe verdroonke.[1]
