Dit artikel is gesjreve (of begós) in 't Staeveswaerts. Laes hie wie v'r mit de versjillende saorte Limburgs ómgaon.


Foto van St. Stephanuskirk en 't aod gemeintehoes

Staeveswaert (Nederlands: Stevensweert) is e klein plaetske in Midden-Limburg mèt róndj de 1.660 minse (2006). Róndj 1633 begóste de Spanjaarde Staeveswaert óm te boewe tot e vestingstedje, vanwaege de strategische ligking aan de Maas. Sins 1715 behuërt Staeveswaert officieel tot Nederlandj. Noe behuërt het tot de gemeinte Maasgoew. Vreuger woor het 'n eige gemeinte same mèt G'n Oea en de Laak, toendertied ein van de kleinste gemeintes van Nederlandj. 't Is veural bekènd as eilandj in de Maas en erg populair ónger (veural Duutse) toeriste. Ouch is het bekènd door beeldsniejer Jan van Steffeswert. Bezeenswaardigheje zeen de protestantse en katholieke kirk, 't museum en de restante van 't aod kastiël.

Staeveswaert is in Nederlandj bekènd óm De kantharos van Stevensweert, 'n juridische oetspraok oet 1959 mèt groate waerd in de jurisprudentie. In 't kort kump 't d'r op neer det, wen me emes get verköp en det bliek later väöl mieë waerd te zeen, det de verkoup det juridisch neet óngedaon gemaak kan waere es me neet kan aantoane det de kuiper bie de koup al wis waat de waerd woor. (kiek bie extern links)

Straoteplan van de aoje bènnestad

Staeveswaert lik veural in de buurt van Belsj, vanaaf de oever van de Maas kèns se Maaseik al zeen ligke. 't Unieke van Staeveswaert is det alle straote in de aoj bènnestad nao ein punt toeloupe. Same mèt Bourtange in Groninge is Staeveswaert de einige plaats in Nederlandj met det straotepatroan. Van oudsher stuit Staeveswaert ouch bekènd veur de väöle kaffees (mieër es 20 op 1500 minse), maar det is noe minder.

Externe link bewirk

 
Gemeinte Maasgoew
 
Dörper en stej: Bieëgdje · Brach · De Baek · Hael · Lin · Panhael · Staeveswaert · Toear · Wèssem
Gehuchte: Apebrook · Baarstraot · Bilt · Brachtersjtasie · Brandj · Breiwaeg · De Laak · De Tump · De Weerd · Eilandj · Houtem · Kastert · Kruchte · G'n Oea · Oeazje · Pol
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Staeveswaert&oldid=459479"