Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De brandj van San Francisco nao d'n aerdsjóddel vsn 1906.

'ne Stadsbrandj is 'ne brandj dae e groeat deil van 'n stad inne asse ligk. Stadsbrenj kome veural veur inne aadheid enne middelieëve. In daen tied kós 'ne brandj flot óm zich haer griepen ómdet de meiste hoezer opgetroch woorten oet hout enne dake bedèk wore mit struue of mit daakspane. De kap van 't daak reikdje meis wied boete de gevelmoeren oet, wodoor bie 'ne brandj borrendje stökker hout de straot op vele, die de veurbiegengers en brandjblössers kóste rake. De gevolge van 'ne brandj kóste waere versterk door 'ne sterke windj en allein deil vanne stad die baovewindjs loge woorte daobie gespaard. Eimel oetgebraoke waas 't lestig 'ne brandj te blösse. De smaal getskes vergruuetdje de kans op 'ne vuurstorm, wo me machteloos bie waas.

Brik waas in daen tied kosbaar, wodoor allein geboewe wie kirke woorten opgetroch mit brik. Inne meiste stej boedje me pas hoezer mit stein of brik nao einen of mieëdere groeate brenj. Me begós gebroek te make van sjeijings- en boetemoer die gooddeils kóste veurkómme det 'ne brandj euversloog nao aanpaolendje hoezer.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Stadsbrandj&oldid=443812"