Stade Pierre-Mauroy

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't Stade Pierre-Mauroy veuraofgoond aon 'ne toesmatch vaan LOSC.

't Stade Pierre-Mauroy is e stadion in Villeneuve-d'Ascq, 'ne veurstad vaan Lille (Rijsel) in Noord-Fraankriek. 't Is de toeshave vaan voetbalclub LOSC, die in de Ligue 1 oetkump. In de beoerdeling vaan de UEFA is 't e veerstarestadion. 't Stadion is ingeriech op versjèllende aander doele; zoe is 't ouch gebruuk veur basketbalwèdstrije.

't Stadion mèt 50.186 zitplaotse woort in 2009 begós en kaom in 2012 veerdeg oonder de naom Grand Stade Lille Métropole. 't Kaom in de plaots vaan 't awwer Stade Grimonprez-Jooris, wat te klein waor gewore. E nui stadion waor gepland, meh door controverse roond de bouw kaom dat neet op tied klaor. LOSC mós in deen tied speule in 't Stadium Nord, wat nog kleinder waor en neet op UEFA-niveau; Europese wèdstrije móste daorum gans in Saint-Denis, in 't Stade de France weure gespäöld. Oetindelek besloot tot de bouw vaan e nui stadion in de banlieue. Nao d'n doed vaan Rijseleer Pierre Mauroy, jaorelaank börgemeister vaan de stad en ouch drei jaor premier vaan Fraankriek, besloot me 't stadion nao häöm um te duipe.

't Stade Pierre Mauroy is ein vaan de späölstadions vaan 't Europees kampioensjap vaan 2016. Nao veer grópswèdstrije woort evels hel geklaog euver de kwaliteit vaan 't gras. Dao-op woort de hölp vaan e bedrief oet Heitse ingerope um veur de achste finaal 'n nui graasmat te lègke.[1]

Rifferenties bewirk

  1. Metronieuws - Een portie gras met spoed vanuit Limburg voor EK
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Stade_Pierre-Mauroy&oldid=397639"