Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't centrum vaan Saransk, gezeen vaanoet 't reuzeraad. Me zuut hei oonder mie de kathedraol vaan Theodor (Fjodor) Oesjakov.

Saransk (Russisch Саранск, Moksja en Erzja Саранош) is 'n stad in Rusland. 't Is de hoofstad vaan de rippubliek Mordovië. Bij de volkstèlling vaan 2010 had 't 297.415 inwoeners. De stad ligk op de plaots boe de Saranska en d'n Insar samekoume.

Saransk geit trök op 't Mordvijns dörpke Atemar; in 1641 woort hei e fort mèt dezelfde naom gestiech. Atemar laog toen aon de zuidoosgrens vaan 't Tsaredom Rusland. De naam Saransk kraog 't later door zien ligking aon de Saranska. Um 't fort greujde al gaw 'n handelspos boe de plaotseleke bevolking mèt de Russe handelde. In 1780 kraog de plaots de stadsstatus. Bij de opriechting vaan 't otonoom distrik Mordovië in 1928 woort Saransk dao de hoofstad vaan. Nao d'n oorlog woort de stad sterk gemoderniseerd; allein sommege monuminte in 't centrum bleve gespaord. Ouch oontwikkelde hei ziech industrie, oonder mie elektrotechnische en farmaceutische industrie.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Saransk&oldid=428126"