SV Austria Salzburg

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


SV Austria Salzburg (voloet Sportverein Austria Salzburg) is 'n amateurvoetbalclub oet Salzburg, Oosteriek. Ze woort in 2005 opgeriech, naotot de oersprunkeleke Austria oet 1933 waor euvergenome door Red Bull en umgeduip tot Red Bull Salzburg. Väöl fans voonte tot hun club ze geklaajd waor en beslote ze nui op te riechte.

SV Austria Salzburg speult zien toesmatche in 't UFC-Platz in Salzburg-Nonntal. 't Stadion heet zoeget 1500 plaotse. De clubkleure zien violet-wit.

Door häör anticommercieel doel en attitude kraog de club väöl bijval vaan voetballeefhöbbers oet binne- en boeteland die meinde tot 't modern voetbal te commercieel waor gewore. Mèt deze steun maakde de club 'nen oongezenen opmarsj, en in 2015 promoveerde ze zelfs nao de 't betaold voetbal (Erste Liga). 't Seizoen dao-op kaom de club evels in zwoer financieel probleme. Nao e faillissemint góng ze weer trök nao 't amateurvoetbal.

Zuug ouch bewirk

Extern linke bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=SV_Austria_Salzburg&oldid=454145"