Dit artikel is gesjreve (of begós) in 't Kirchröadsj. Laes hie wie v'r mit de versjillende saorte Limburgs ómgaon.



Ronald "Ron" Bilius Weasley, in 't Hollensj Wemel, (1 meëts 1980) is ee personage in J.K. Rowlings höar Harry Potter-bucher. Dit personage is bis noe tsau in alle Harry Potter filme jesjpieëld durch d'r Rupert Grint.

D'r Ron zieng tswai bitste vrung op Hogwarts (Zweinstein) zunt d'r Harry Potter en 't Hermione Ganger (Hermelien Griffel). D'r Ron en d'r Harry zient ziech vuur 't ietsjt in 't ietsjte bóch, went d'r Harry perron 9 3/4 zukt; op 't Londens King's Cross Station. Ze deële ing coupé in d'r Hogwarts Express (Zweinsteinexpres). D'r Ron lit d'r Harry kennismaache mit zieng tsaame rat (Scabbers, Schurfie) en d'r Harry deëlt sjnuuts mit d'r Ron.


Waarsjauwóng: Heiónger könne details van d'r aafloop van de jesjiechte sjtoan.

Alle personages in de bucher neume 'm ¨Ron¨, mit oetzondering van 't Luna Lovegood (Loena Leeflang) dat 'm ummer ¨Ronald¨ neumt, en d'r Ron zie ex-vrundinsje, 't Lavender Brown (Belinda Broom), dat 'm ummer "Won-Won" (in de Nederlandsje uvverzetsoeng ¨Ronnieponnie¨) neumt. D'r Ron is d'r zoon van d'r Arthur en 't Molly Weasly (Wemel), en d'r broor van d'r Bill, Charlie, Percy, Fred, George en 't Ginny.

D'r Ron zienge pap, Arthur Wemel, woar bis bóch 6 't hoofd van de Afdeëling Misbroechpreventiejoeën Dreuzelvuurwerpe binne 't Ministerie van Tsauberkóns, ing lieëg functie mit inge al eëve lieëg loën. As jevolg doava mótte de Weasleys vuur d'r Ron vöal dinge tswaidehangs aasjaffe, jet dat bij d'r Ron erg jeveulig likt. I zie 6de sjoeëljoar weët d'r Arthur jepromoveerd en weët heë 't hoofd van de Afdeling vuur de Opsjpoeróng en Ibesjlaagneëmóng va Vervalsjte Verdediejóngssprüch en Beveiligte Vuurwerpe.

D'r Ron hilt va Tsaubeneerssjaach en liert d'r Harry sjaache. Heë is erg bang vuur sjpinne, durchdat zienge bròoor Fred oeëts (wie d'r Ron nog kling woar) zienge teddybeer in ing jroeësse sjpin hou je-änderd. D'r Ron veult ziech jerejeld 'd'r mindere' i jezelsjaf. Heë sjteet - vuur zie jeveul - in d'r sjatte van zieng auwere breur; en is doadurch op zuk noa succes. Heë jenist d'rva um in de publiciteit tse sjton, en reageert loeter jet jaloers went angere in 't middelpunt van de belangsjtelling sjtunt, zelfs went 't um d'r Harry of 't Hermione jeet. D'r Ron zieng loyaliteit en vrunksjap tegenuvver d'r Harry en 't Hermione is evvel jans jroeës, heë jeet vuur ze durch 't vuur.

Op Hogwarts (Zweinstein) deelt d'r Ron inne sjlofzaal mit d'r Harry, Neville Longbottom (Marcel Lubbermans), Simon Filister en (Dean Thomas) Daan Thomas.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ron_Weasley&oldid=346083"