Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Rod Stewart.

Roderick David "Rod" Stewart (Lónje, 10 jannewarie 1945) is 'ne Britse rockzenger dae bekèndj steit veur zien roew stum. Inne sèstiger jaore trooj d'r al väöl op, mer hae bleef rilletief ónbekèndj toetdet t'r zich in 1967 aansloot bieje Jeff Beck Group, det besting oete gitaris Jeff Beck, de bassis Ron Wood ennen drummer Aynsley Dunsbar.

In 1971 verleet t'r de Jeff Beck Group naodet t'r haw samegewirk mit The Faces. Hae brach in 1971 e solo-album oet, Every Picture Tells a Story, en vanaaf det moment genoot t'r nasjenaal bekandjheid. Doe de B-kantj Maggie May dök oppe radio woort gedrejdj kreeg t'r 'ne nómmer 1-hit inne Vereinigdje Staote en in 't Vereinig Keuninkriek. The Faces kregen in dezen tied häör einigen toep 10-hit inne Vereinigdje Staote mit 't nómmer Stay with me.

Anen ènj vanne jaor sevetig haw d'r nag 'ne nómmer 1-hit mit 'n nómmer Do Ya Think I'm Sexy? (1978). Daonao noom zien productiviteit aaf. In 1991 noom d'r same mit Sting en Bryan Adams d'n hit All for Love op veure film The Three Musketeers.

Van Rod Stewart zeen ruum 100 miljoen plate verkóch gewaore.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rod_Stewart&oldid=464314"