Dit artikel is gesjreve (of begós) in 't Posters. Laes hie wie v'r mit de versjillende saorte Limburgs ómgaon.


Rico Vonck (Remuunj, 12 meert 1987), bienaam Sparky, is 'n Nederlandjsen dartser oet Postert.

Vonck verdeentj zie geldj es óntwirper. Hae kwalificeerdje zich veure Ladbrokes World Darts Championship van 2007 door es tweidje te ènjige inne ranglies vanne Nederlandjse Dartsbóndj. Michael van Gerwen ènjigdje es eesjte, mer hae beslaot deil te numme ane BDO-versie van 't Weltkampioensjap; hiedoor kósj Vonck es nómmer twei deilnumme.

Vonck waas 19 jaor awd doe d'r zich kwalificeerdje veure Ladbrokes World Darts Championship. Tiejes de weltkampioensjappe woraan hae deilnoom woort t'r inne derdje runj, nao euverwinningen oppen Ingelse Mark Walsh (3-0) enne Canadese Brian Cyr (4-2), oetgesjakeldj door Raymond van Barneveld mit 4-0.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rico_Vonck&oldid=361929"