Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Relieksjrie inne vorm van 'n driebeukige kirk mit ivoeare reliëfs (Kölle, dertieëndjen ieëf).

E relieksjrien is 'ne reliekhajer inne vorm van 'n kis (owwel e sjrien geneump) worin relikwieje waere bwaardj, meistes deiler van 't skelèt van 'nen hèlge, sómtieds 't ganse skelèt. Meistes betruf 't 'n kis die speciaal veur dit ènj is vervaerdig, mit sjiljeringe of reliëfs die verwieze nao 't laeve vannen hèlge. Relieksjriene zeen euveren algemein riek-versierdj mit góld of anger aedelmetaal, ivoear en aedelstein, die op 'n kónszinnige meneer zeen verwirk gewaore. De vervaerdiging van relieksjriene bereikdje 't huuegdjepuntj in kristelik Europa tiejes de hoeag middelieëve, mer ouch in anger periode en culture zeen relieksjriene toet standj gekómme.

Bekèndje relieksjrienen in Limbörg zeen de Noeadkis van Sint-Servaos inne sjatkamer vanne Sint-Servaosbasiliek in Mestreech, e toepstök van Maaslandjse aedelsmeedkóns, en 't Amelbergasjrien inne Sint-Amelbergabasiliek in Zöstere.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Relieksjrien&oldid=419717"