Piet van den Brekel

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Piet van den Brekel (Ech, 21 juli 1932Almelo, 18 juli 1999) is 'ne veurmalige Nederlands Limburgse fitserenner.

Biografie bewirk

Es ammeteur is hae veural bekend gewore door biej ’t Waereldkampioensjap op de Waeg van 1952 in Luxemburg wiej hae geliektiedig mèt de Itaaljaan Luciano Ciancola euver de finish kaom. Van den Brekel woort aanvankelik es winnaer oetgerope mèr woort nao ein protes van de Itaaljane gediskwalificeerd ómdat hae tiedes de wedsjtried van fits hèj gewisseld boete de daoveur ingerichde materiaalpos. In ziene ónsjöld goof hae dat ouch nog toe, wonao ein wederprotes geine zin meë hèj. Hae woort baovendeen oet de oetsjlaag van de wedsjtried verwiejerd.

In 1953 wón hae es ammeteur de Ómloup van de Kempen, woort hae derde in de Runj van Limburg en derde in ’t eindjklassement van de Belsje versie van de Runj van Limburg. In 1955 zouw hae weer ein derde plaatsj haole in de Runj van Limburg.

In 1956 maakde hae zien debuut in de Runj van Frankriek. 't Waas, zoa bleek later, ziene ènnige Tour. Zien beste pretatie in dees runj waas ein derde plaatsj in de zevende etappe. In de tieënde etappe beheuërde hae biej de oetvallers.

Tot zien meis aansjpraekende oetsjlaeg waas ein euverwinning in de veerde etappe van de Runj van Belsj in 1958. In 1961 beëindigde hae zien wielerloupbaan nao ein teleursjtellende carrière es prof.

Van den Brekel is in 1999, vlak veur ziene 67e verjaordaag, tiedes 'ne trimtoch aan de gevolge van eine hartsjtilsjtand euverleje.

Tourdeilnames bewirk

  • 1956, opgaaf in de 10e etappe

Ploge bewirk

  • 1955 – 1957 Locomotief-Vredestein
  • 1957 - Girardengo - E.R.G.
  • 1958 - 1960 Eroba - Vredestein
  • 1961 - Eroba
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Piet_van_den_Brekel&oldid=433931"