Panninger Zijlinie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Panninger Seitenlinie steit in 't oranje.

De Panninger Zijlinie, dèks in de literatuur de Panninger Seitenlinie geneump, is 'n isoglosse die rech door 't Limburgs taolgebeed löp. Te noorde en weste vaan die grens zeet me schat, ten zuie en ooste zeet me sjat. 't Groetste deil vaan 't Limburgs taolgebeed hèlt de variant sjat aon, meh in o.a. Venlo, Wieërt en Hasselt kump de Hollandse combinatie sch- wel veur.

Same mèt de doe-gijlijn en twie vocaolisoglosse (de lijn-goed/good en de lijn-tied/tijd) markeert ze d'n euvergaank vaan Centraol Limburgs nao Wes-Limburgs, en vörmp ze plaotselek de Genker Barrièr. In 't noorde vörmp ze, same mèt 'ne gansen houp ander isoglosses, de wazege grens tösse Limburgs en Noord-Limburgs/Braobants. Bij Mael (Meijel) splits ze ziech aof vaan de Panninger Linie; dit dörp ligk vreemp genoog oonder de Panninger Zijlinie dewijl alle andere belaankrieke isoglosse zjus oonder Mael door loupe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Panninger_Zijlinie&oldid=431824"