Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Grazendje pampahaas.
'ne Pampahaas in zittendje standj.

De pampahaas, Patagonischen haas of de mara (Letien: Dolichotis patagonum) is e cavia-echtig knaagbieës.

't Bieës steit hoeag oppe puuet en haet groeate, rechstäöndje oearen en groeate ouge. De pampahaas haet 'n korte, broen vach mit 'n duuster, griesechtige rögkeprint. Oppe rómp wuuert de vach duusterder. Euvere rómp löp 'ne witte fraanjel; ouch is de boek wit. De pampahaas wuuert 50 toet 75 centimaeter lank mit e stertje van zoea 4,5 centimaeter lank en e liefsgewich van 8 a 9 kilo.

Pampahaze laeven in druueg, aope stroekweusdjes en graaslenjer, gelaengen in Centraal- en Zuud-Argentinië. De bieëster zeen euverdaag aktief wen ze kort vees graas, gekruje, blajer en tekskes van korte struuk zeuke veur te aete. De bieëster doon ouch väöl ligken inne zón. Snachs trèkke zie zich trögk in 'n haol waat zie zelf gegraven höbben of van 'ne vèscacha höbben euvergenómme. Pampahaze kónne good rennen en springen en zeen sjoew, wodoor zie flot vlöchte bie gevaor.

Pampahaze zeen monogaam bieëster. E paar haet meis e laefgebied van ómme 40 hektaar. Vruiwkes zeen meh veur e paar oer de jaor óntvenkelik. Nao 'nen draagtied van 90 daag kump 'n ès van ei toet drie jónge. Pampahaze waere toet 15 jaor aad.

Taxonomie bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pampahaas&oldid=443489"