Martin van der Borgh

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Martin van der Borgh.

Martin van der Borgh (De Boesj, 28 oktober 1934) is 'ne veurmalige Nederlands Limburgse fitserenner.

Van der Borgh waas profesjeneel fitserenner van 1957 pès 1964. Hae naom drie keër deil aan de Runj van Frankriek en behaolde allein in de Tour van 1960 de finish in Paries. In de Tour van 1960 woort hae in de eësjte etappe nao Brussel in winnende pesitie door 'n pelitieagent, ènnige meëters veur de eindjsjtreep, 'ne verkeërde waeg in gesjtuurd. Hiedoor leep hae 'n zekere etappe-euverwinning èn de gaele trui mis. Van der Borgh waas 'n beheuërlik gooje klömmer, getuge zien oetsjlaeg in ènnige bergetappes in de Tour van 1960.

Zien groatste perseunlike succes waas de eësjte plaatsj in 't eindklassement in de Franse wielerwedsjtried Tour du Nord in 1961.

Zien wielercarrière woort in 1964 abrupt beëindigd door 'n óngelök wobiej hae ziene knee verbriezelde.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Martin_van_der_Borgh&oldid=434267"