Limburgs Vastelaovesleedjes Konkoer

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


't Limburgs Vastelaovesleedjes Konkoer (LVK) ies 'n jaorlikse wedsjtried in Nederlands Limburg woabie 't bèste vastelaovesleedsje van dat jaor weurt gekoze. 't LVK weurt georganiseerd door de Stichting LVK in samewèrking mèt 'n plaatselike vastelaovesvereiniging en besjteit saer 1977. De presentator en 't geziech van 't LVK were bepaald door L1, Omroep Limburg.

Historie bewirk

In 1957 waor al ins 'n Limburgs carnavalsleedsje gekoze. 'n Belangriek criterium waor doe dat 't leed vertaalbaar moos zin in alle dialekte.

't Limburgs Vastelaovesleedjes Konkoer woort in 1976 bedach um d'n invlood van de "commerciële" Nederlandstalige carnavalsmuziek te vermindere. Door 'n leedsjeswedsjtried mèt Limburgstalige nummersj wol me de vastelaovesmuziek in dees taal sjtimulere. Ein van de initiatiefnummersj waor Bertha Paulissen-Willen, die ónder andere wèthouwer en gemeinteraodslid in Gelaen waor. Nao häör ies de pries geneump dae de componis en teksdiechter van 't winnend leedsje kriege, de Bertha Paulissen Baeker. De ièrsjte LVK-finale woort gehouwte op 18 november 1976 in Gelaen en woort gewónne door 't Mestreechs leedsje Vaan Eijsde tot de Mokerhei, gesjreve door Bert Salden en Jean Innemee.

't Ièrsjte LVK kreeg nog neet väöl aandach in de gezètter of op de ROZ (de veurluiper van Omroep Limburg en L1). Later ies me de samewèrking mèt dezen umroop aangegange en woorte de versjillende rundes van 't LVK op de radio oetgezónde. Saer 2002 ies de finale van 't LVK live op televisie te zeen.

't Konkoer bewirk

De leedsjes veur 't LVK moete meistal eind november ingesjtuurd zin. In december beoordeilt de hoofjury van 't LVK alle inzendinge en lièt 60 nummersj doorgoon nao de hauf finales. De hauf finales were op L1-radio oetgezónde in januari. De loesteraersj van L1 kènne door 't insjture van bónne die in de gezèt sjtoont aangeve welke leedsjes zie 't bèste vinge. De oetsjlaag van de bónne-beoordeiling en de punte van de hoofjury bepale allebei veur de hèlf de oetsjlaag van de hauf finales. D'r were dan 19 finaliste bepaald, mèt de beperking dat oet eder van de regio's die 't LVK hanteert (Noord-Limburg, Miedde-Limburg, Parksjtad, Westelike Miensjtreek en Mestreech-Mergelland) minimaal 2 nummersj in de finale kómme en dat oetveurende mer mèt 1 leedsje in de finale kènne kómme.

In de finale weurt d'n oetsjlaag bepaald door (eder veur 1/7 deil) de hoofjury, vief regio-(café)jury's en SMS-sjtumme van kiekersj en loesteraersj (dat lètste saer 2006).

Ièrelies bewirk

Jaor Titel Plaats Componis / tekssjriever Oetveurende
1977 Vaan Eysde tot de Mookerhei Mestreech Jean Innemee en Bert Salden Jean Innemee & The Walkers, The Classics & Rainbow
1978 De Zaagte "Geej" De Ruiver Arnold Wassen en Jan Theelen Lei Driessen
1979 Dan kal ich plat Gelaen Ben Erkens en Thijs Arts Ben Erkens & The Country Singers
1980 De beierheering Zittert Hans Wijnands Peter Eijkenboom & The Ragtime Band
1981 De vastelaovend heurt biej Limburg Remunj Naud Reyners Dominique Reyners
1982 Zoa moosj ’t kènne blieve Göttekaove Guus Steinen en John Wauben De Zjweitvuit (Guus Steinen, John Wauben en Francien Köhnen)
1983 Mie Limburgs blood Gelaen Miets Zijlstra-de Loo en Ben Erkens Ben Erkens en Kapel "Roed is droof" Èèsjde
1984 Dao moste mèt ljèrre léve Meersje Leon Volders en Luc Volders Leon Volders en Luc Volders
1985 Hauwt ‘m vas, de Vastelaovend Gelaen Bert Dijkcks en Jan Ridderbeekx Jan Ridderbeekx en The Fratellies
1986 Jao, hei in Limburg Mestreech Sjef Duchateau Beppie Kraft
1987 Wiebölle Lin J.Evers en P.Evers De Kuulköpkes
1988 Minse wie weej Venlo Giel Aerts en Frans Boermans Wiel Vestjens en Hay Crompvoets
1989 De Knappe(rikke) Venlo Giel Aerts en Frans Boermans Wiel Vestjens en Hay Crompvoets
1990 Ich tik neet richtig Gelaen Ben Erkens en Miets Zijlstra-de Loo Ben Erkens
1991 Det is een Joekskepel op joets Venlo Jan Jacobs en Sef Maaskant Hay en Paul Peeters
1992 Wat hebbe we ’t toch good Venlo Giel Aerts en Frans Boermans Wiel Vestjens en Hay Crompvoets
1993 ‘nne Late Tegele Peter van den Akker Thei & Marij
1994 Heej of dao Venlo Giel Aerts Wiel Vestjens en Hay Crompvoets
1995 De ganse santekraom Haors Thijs Kleeven en Cor Kuipers De Wazelvotte
1996 Drejje !! Mestreech Ursula en Bert Garnier Duo Ammezasie
1997 Had ik maar Venlo J.Gubbels en Frans Boermans Wiel Vestjens en Hay Crompvoets
1998 Opziej, opziej Ulesjtraote Gaston Jacobs Gaston Jacobs
1999 Iech höb diech weer gevoonde Mestreech Ursula en Bert Garnier 't Merretkoer
2000 Jozefien Venlo Wim Roeffen en Frans Boermans Wiel Vestjens en Gé Deenen
2001 Good geammezeerd De Ruiver Arnold Wassen Dét môt kènne
2002 Wie d'r Herrgot Limburg hat gemaak Gulpe Ben Erkens Frans Croonenberg
2003 Dèh dan, dao isse! Venlo Peter Jansen en Wim Janssen Peter Jansen en Wim Janssen
2004 Twieëmoal aafgezeëg (en nog te kót) Heële Paul Munsterman en Leo Keularts Paul & Leo
2005 Wat zaeter?! Bor Frank Dullens, Paul Heffels en Ben Erkens Böshuuske Ontsjpannings Vereiniging
2006 Dat zit bie os in de femilie Lömmerig Guus Steinen Kartoesj
2007 Heej bliëf ik plekke Grevors René Verschueren De Toddezèk
2008 'De kriebels Venlo Frans Pollux Bram & Ruud
2009 Ni miër en ni minder Grevors René Verschueren De Toddezèk
2010 Vandaag! Venlo Quinn Warmerdam W-Dreej
2011 Kom 's kieke beej ós Venlo Quinn Warmerdam teks Hannelore Winter W-Dreej
2012 Doot 's geks Venlo Quinn Warmerdam W-Dreej
2013 Laef Limburg Laef Mofert Ron Roemen La Bamba
2014 Onhendig Leedje Grevors René Verschueren De Toddezèk
2015 Es vastelaovend Limburg bênne vêlt Zöstere Mark van Mullekom en Bas Keltjens Spik & Span
2016 Kampioene van de nach Zöstere Mark van Mullekom en Bas Keltjens Spik & Span
2017 Code "Rood-Gael-Greun" Hölsberg Maurice Pluijmakers en Roger Vliegen De Geliënde
2018 Blieve Zöstere Jo Huijnen, Niek Derkx en Jos Wackers Spik & Span
2019 Groete oet de fieësttent Hale Bas Keltjens en Bart Storcken Hoondervel
2020 Vrunj tot de allerleste runj Zöstere Jo Huijnen, Niek Derkx en Jos Wackers Spik & Span
2021 Dorst is baeter mit vrunj Hale Bas Keltjens en Bart Storcken Hoondervel
2022 Âltied ope Venroj Roel Gommans, Jules Reivers en Leon Aarts Bjorn en Mieke
2023 Ojjem blieve hale IJselstein Mark van Mullekom en Jerôme Lenders Pruuf mar
2024 Vastenach Zöstere Niek Dirkx, Jo Huijnen en Jos Wackers Spik & Span

Extern links en brónne bewirk