Libertiense roman

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

D'r Libertiense roman, oorsjpronkelek roman libertin, is e Fraans literair genre oet d'r 18de ieëw.

Dit genre haat zieng wórtele in de Europese liberaal traditie die väöraafgegange waoërt dör de Griekse-Romeinse traditie mèt Sapho, Aristophanes, en later Ovidius en bie de Italiane mèt Baffo, en daonao in de Fraanse literatuur. De Percessie vaan Sjerpenheuvel va Théodore Weustenraad is naeve 'n satire en e pamflet ooch 'ne libertiense roman. Ooch al waoërt 't genre nao de Fraanse Revolutie minder gebroekd, dit genre zèt zich väöert bies in ozze tied.

'n Essentieel kenmaerk van d'r roman libertin is 't anticlericalisme en d'r erotiek. Dit genre is ooch anti-establishment en vèlt de gevestigde orde aan. De sjrievers zeunt dèk vervólgd en hön waerk verbaoje. Mètstens sjreef me anoniem in dit genre.

Bekaande romans libertin

• Denis Diderot, Les bijoux indiscrets
• Marquis de Sade, L'histoire de Juliette
• Pierre Choderlos de Laclos, les Liaisons dangereuses