Jo Maas

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Jo Maas (Èèsjde, 6 oktwoaber 1954) is 'ne veurmalige Nederlands Limburgse fitserenner.

Biografie

Es ammeteur behaolde Maas in 1977 ’n derde plaatsj biej de Nasjenale Kampioensjappe op de waeg. In 1978 wón hae twee etappes in de Runj van Wes-Henegouwe en woort hae teves eësjte in ’t eindjklassement van die runj. Ouch woort hae in dat jaor eësjte in de Belsje ammeteurklassieker Romsée-Stavelot-Romsée.

Hae maakde zien profdebuut in 1979 en verrasjde mètein mèt ’n etappe-euverwinning en ein 7e plaatsj in 't eindjklassement van de Tour de France veur de relatief klein DAF Trucks-ploog. 't Jaor dao-op eindigde hae in de Tour op de 19e plaatsj in de eindjrangsjikking. Hae deeg in 1982 ouch mit aan de Runj van Sjpanje wo-in hae 'n 21e plaatsj behaolde in de eindjrangsjikking. ’n Jaor later haolde hae nog 'n 3e plaatsj in 't eindjklassement van de Runj van Andalusië, mèr hae dat jaor sjtopde abrup mèt fitserenne.

Jo Maas waas taenge 't eindj van zien wielercarrière woonechtig in Mesjtreech.

Belangriekste oetsjaeg

1977

• 2e in ’t eindjklassement van de Runj van Luuk
• 3e biej ’t NK op de waeg, individueel, ammeteurs

1978

• 1e in ’t eindjklassement van de Runj van Wes-Henegouwe
• 2e in ’t eindjklassement van de Oas-Zjwitserlandj

1979

• 1e in de 10e etappe Runj van Frankriek
• 7e in ’t eindjklassement van de Runj van Frankriek
• 4e biej ’t NK op de waeg, individueel
• 2e in de Ster der Beloften

1980

• 8e in de Waalse Piel
• 9e in de Amstel Gold Race
• 9e in Gent-Wevelgem
• 9e biej ’t NK op de waeg, individueel
• 9e in ’t eindjklassement van de Tour de l’Áude

1981

• 5e in de Amstel Gold Race

1982

• 21e in ’t eindjklassement van de Runj van Sjpanje
• 9e in ’t eindjklassement van de Runj van Romandië

1983

• 3e in ’t eindjklassement van de Runj van Andalusië

Tourdeilnames

• 1979, 7e, winnaer 10e etappe
• 1980, 19e

Ploge

• 1979 - DAF Trucks-Lejeune-Aida
• 1980 - DAF Trucks-Lejeune-PZ
• 1981 - TI Raleigh-Creda
• 1982 - La Redoute-Motobécane
• 1982 - Splendor-Wickes
• 1983 - Teka