Hubert Bruls

Nederlandse politicus

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.


Hubert Bruls

Hubertus Maria Franciscus (Hubert) Bruls (Nut, * 6 fibberwarie 1966) is 'ne Nederlandse besjtuurder en politicus van 't CDA. Saeër 21 mei 2012 is haeë d'r börgemeister van Nijmege. Van 2005 bis 2009 en van 2010 bis 2012 waoër hae ouch d'r börgemeister van Venlo.

Naoë 't vwo (gymnasium B) aan 't Bisjoppelik College in Zitterd volgde haeë de sjtudie politicologie aa g'n Kattelieke Universiteit in Nijmege. Daoë begós e zien loupbaan bie Abvakabo FNV, wat noe is gefuseerd mèt vakbond FNV. Bruls woert in 1986 lid van 't CDA. Naoë 'n kórte periode es gemeinteraodslid in 1998 woert haeë in 1999 wethówwer i Nijmege.

Bruls waoër van 23 mei 2002 bis 11 oktober 2005 Twieëde Kamerlid vuur 't CDA. Daoë besjeftigde e zich mèt thema's wie de arbeidsmaat, wèrkgelaeëgeheid, arbeid en zörg, 't groeëtesjtaejbeleid en infrastructuurprojèkte i g'n provincie Gelderland. Op 1 oktober 2005 woert haeë d'r börgemeister van Venlo. Naoë de fusie van Venlo mèt de gemeinte Arse en Velde waor e waoërnummend börgemeister en naoë juli 2010 weer börgemeister.

Op 2 mieërt 2012 woert haeë doer d'r gemeinteraod va Nijmege vuurgedrage es nuje börgemeister. In 'n persconferentie leet haeë weite dat e de aoëpening van de Floriade wool mitmake. Bruls troon op 21 mei 2012 aa.

Es börgemeister van Nijmege is Bruls ouch d'r vuurzitter va g'ne veiligheidsregio Gelderland-Zuud.

D'r Bruls is gehuwd en hat twieë dochtesj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hubert_Bruls&oldid=448628"