Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Grenspaol nummer 21 in Ulvend in Nederland en Belsj

Um de grens aan te geve tösje bepaalde leng woorte vreuger grenspäöl geplaats.

Nederlands-Belzje grens bewirk

Dat plaatse van grenspäöl gebeurde b.v. in 1843, toen op de conventie van Mestreech de precieze grenze woorte vasgelag van de keuninkrieke Belsj en Nederland, die in 1839 gesjeie woorte en van toen aaf 'n zelfsjtendig land waore gewore. Op de grens tösje die twiè leng kaome genummerde grenspäöl, deils in helsjtein en deils in geetiezer. 't Ièrsjte nummer sjteit in Vaols en 't lètste nummer 369 aan de Noordziè. Langs de grensmaas woorte döbbel päöl geplaats mèt 't zelfde nummer.

In 't gehuch Ulvend sjteit zoane grenspaol (nummer 21), dae aangeuf dat 't gehuch zoawaal bie Nederland es bie Belsj huèrt. 't Gevolg ies dat 't ouch verdeild ies in twiè gemeintes: Mergraote en Voere (gemeinte). Ouch gemeintes make gebruuk van päöl of gemeinteborde um 't begin en ing van de gemeinte aan te geve. Mergraote deit dat mèt markante grenspäöl of sjtein.

 
Grenspaol van de gemeinte Mergraote

.

Nederlands-Duutsje grens bewirk

Op de grens tösje Nederland en Duutsjland woort ouch in Vaols gesjtart, op 't Drielandepunt mèt grenspaol nummer 193. 't Lètste nummer 862 sjteit bie Overdinkel in Twente. 'n Ander reeks grenspäöl tösje dees twiè leng löp vanaaf de Luxemburgs-Franse grens (nr 1), langs Duutsjland tot nummer 203 aan de Dollard. Vreuger waor dit de grens tösje Nederland en 't keuninkriek Hannover.

Ander grensmarkeringe bewirk

Ander menere um grenze aan te geve zint reinsjtein, moere, hègke, hèkwerke, sjöttinge, tankel- en andere draod, sjtankètsele, 'n verhuèging in 't land of 'n beek of rivier.

Externe link bewirk

[1]]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Grenspaol&oldid=449026"