Gardedans
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Ein Gardedans is ein dans dae väöl tiedens de carnaval weurdj gebroek biej optraejes van dansgardes. De oorsjprong ligktj in'ne 20'er en 30'er jaore van'ne 20e eeuw.
Ongerverdeiling bewirk
Gardedans is onger te verdeile in 4 saorte:
- Polka - Eine op de polka gebaseerde dans mit väöl acrobatische elemente die men ouch oet de diverse folklorische danse kintj. Zowie kozakke, salto's, handsjtandj, raadsjlaeg. De Polka is oetsjtaekendj gesjiktj veur klein groepe, soliste en pare.
- Mars— De mars is eine op marse, bekindj van soldaote en sjötterieje, gebaseerde dans wo heel weinig acrobatische elemente in veur kômme. De Mars is eine rechlienige, elegante dans mit väöl passe, groepspassages en sjteeds wisselende figure zowie diagonale, half cirkels, V-vorme of sjtervorme. 't Belangriekste aspek van deze dans ligktj 'm in'ne choreografie en'ne synchroniteit en preciezie van'ne dans.
- Modern - Dit is ein kruusing tösse de polkadans en 't moderne street dance dae op moderne, heel sjnelle muziek gedans weurdj. Ouch zeen d'r van Jazzdans aafgeleide passe en acrobatiek trök te vinje in'ne moderne gardedans. Door de sjieke kleure van'ne pekskes en de bewaeging op 't podium kriegs se ein sjitterendj showsjpel te zeen det door eederein prachtig weurdj gevonje.
- Show- Ouch eine sjnelle dans dae mit ein thema gebrach weurdj. Dao weurdj ein echte show van gemaaktj mit leech- en muziekeffecte. De muziek besjuitj grotendeils oet Techno, Dance of leedjes oet ein bepaaldj thema.