Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Güzelyurt (Spreek oet: Gkuzèljoert, informeel Omorfo; Ingels: Morphou of Morfou; Nuigrieks: Μόρφου, Mórphou) is 'n Cypriotische stad. 't Ligk in 't noordweste vaan Cyprus, es 't woere tösse Nicosia en Koruçam Burnu in, en vèlt daomèt oonder de door de EU neet erkinde rippubliek Noord-Cyprus. 't Had in 2006 15.250 inwoeners en is daomèt de innegse plaots vaan mie es tiendoezend inwoeners die gans in Noord-Cyprus ligk (Nicosia is väöl groeter meh ligk deils in 't zuie; Magusa ligk veur 't groets gedeilte in Noord-Cyprus, meh 't ooste ligk binne Brits gebeed en de VN-veilegheidszone).

Tot aon de deiling vaan 't eiland in 1974 kós de stad 'n klein Grieks-Cypriotische mierderheid mèt 'n groete Turks-Cypriotische minderheid vaan roontelum 40% percent. Güzelyurt, in deen tied nog Morphou, waor same mèt Nicosia de mies gemingde stad. Nao de deiling zien de Grieks-Cypriote nao 't zuie gevlöch en de Turks-Cypriote nao 't noorde. Tot deen tied numde de Turkse-Cypriote häör Omorfo. Daonao begos de verturksing vaan de Noord-Cypriotische stei en woort door aw archieve gezoch nao 'nen alternatieve naom dee zoe wied meugelek vaan 't Nuigrieks aofstoont. Güzelyurt beteikent lètterlek 'sjoen woening'. In de Aajdheid waor 't 'n Spartaonse kolonie die me Theomorphou numde. Güzelyurt is de hoofplaots vaan 't gelieknaomeg distrik; volgens de (Zuid-)Cypriotische wèt vèlt 't oonder 't distrik Nicosia.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Güzelyurt&oldid=408762"