Fort Sint Pieter

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Mestreechs, es te dit dialek sjpriks.

Fort Sint Pieter, ouch waal Sint Pieters Sjans geneump, is 'n fort dat in 1701-1702 tot sjtand kaom op de noordflank van de Sint-Pietersberg in Mesjtreech.

Fort Sint Pieter
Oetzich op Mesjtreech vanaaf de voot van 't fort.

't Fort woort in opdrach en nao 'n óntwerp van van de militaire gouverneur van Mesjtreech Daniël Wolff, baron van Dopff geboewd in 'ne viefhook ter verdediging van de zudelike vestingmoere van Mesjtreech. Dit woort noadzakelik gevónje naodat de Franse in 1673 de Sint-Pietersberg hèje ingenómme óm van dao-aaf mèt kanónne bresse te sjlaon in dees zudelike vestingmoere. Vanoet dit fort zouw vanaaf noe jedere zudelike aanval aafgesjlage kènne waere. 't Fort woort geboewd op Luuks gróndjgebied 'tgeen tot protes van de Lukenaere leijde. In 1717 woort gesjil tösje Luuk en de State Generaal biegelag door toedoon van de Duutsje keizer.

Ouch in 1717 bezoch tsaar Peter de Groate de sjterkde. Hae woort natuurlik feëstelik óntvange door gouverneur von Dopff.

't Fort haet 't in de gesjiedenis neet altied aeve gemekkelik gehad; zoa woort 't in 1794 door de Franse in de rögk aangevalle biej ein van de völe belegeringe van Mesjtreech. In 't begin van de neugetieënde eëuw is 't nog ingriepend gemoderniseerd óm aan de eise van daen tied te kènne laote voldoon. De sjterkde verloor zien verdedigingsfunctie nao 't opheffe van de vesting Mesjtreech in 1867.

Saer 1936 is veur 't fort 'n oetsjpanning; 'ne café, 'n resterant en 'n feëslocatie aangelag tiedes de 1930-er crisisjaore in ’t kader van werkversjaffing. Op 't terras bie 't fort drónk mènnig pieterpadwanjelaer 'n pilske op de gooje aafloup.

Brón bewirk

  • Euvergezat oet Wikipedia NL.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fort_Sint_Pieter&oldid=421393"