Duusteren akkelej

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Duusteren akkelej.

d'n Duusteren of dónkelen akkelej (Aquilegia atrata) is 'n euverblievendje plantj oete ranonkelfemielje (Ranunculaceae) die veural is te vinjen inne subalpien zaon vanne Alpen enne Apenniene.

d'n Duusteren akkelej greutj veurnamelik op vöchtige plaatsen op kalksteinbaom, wie graaslenj, waeggrave, bósrenj, kapvlakdjes en ruugdjes inne subalpien zaon vanne hoeagberg toet op 2.000 m huuegdje.

De bloom vannen duusteren akkelej.

d'n Duusteren akkelej is 'n euverblievendje, kroedechtige plantj, mit 'nen toet 100 cm lange, behaordje bloomsstengel. De gróndjblajer zeen gesteeldj, dóbbeldrietalig, doefgreun en ónbehaordj, mit 'nen ónregelmaesig gekarteldje blaadrandj. De versprèdj-stäöndje stengelblajer zeen klènder en inkelveljig.

De blome zeen knakkendj toet hangendj, toet 4 cm lank en viefdeilig. Zowaal de oetgesprèdje kelchblajer we de inne midde gebunjeldje kroeanblajer zeen duusterpaars-gekluuerdj. De kroeanblajer dragen anen toep 'n haokvörmig spaor. De taalrieke maeldräöj zeen felgael-gekluuerdj en staeke wied boete de bloom oet.

De plantj bleutj van mei toet julie.

Zuuch ouch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Duusteren_akkelej&oldid=417416"