De Hemelpaort

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

De Hemelpaort ies de titel van 'n Limburgse serie op de Limburgse televisie. De serie weurt 'n soap geneumd meh 't gebruuk concept haet väöl miè euvereinkómste mèt 'n telenovela. De 20 deile zölle wekeliks bie L1-TV oetgezónde were vanaaf 22 februari 2007.

't Verhaol

't Verhaol sjpeelt in 'ne café, de Hemelpaort, gelege in 't fictief dörp Aelsrao (Elsenrade). De opnames vónge veur 'n groat deil plaats in Baek in Zuud-Limburg.

Limburgs

In de serie weurt in väöl Limburgse dialekte gekald. De acteursj kómme bekans allenei oet de provincie Limburg. Wim Kuipers verzörgde de vertaling van 't scenario in 't AGL, meh de acteursj sjpreke hun eige dialek.
Daoneve klink d'r Limburgse muziek (ó.m. van Rowwen Hèze, mèt de titelsong Blaad an de palm). Wiejer zal 't Limburgs landsjap en de Limburgse volksaard aan bod kómme en kènt de kieker kènnis numme van typisch Limburgse gebruke.

Productie

De serie ies geproduceerd door Johan Nijenhuis.

Trivia

• De gemeinte Baek haet in februari 2007 plaatsnaamborde "Elsenrade" opgehange.