Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


David Bowie in 1990

David Bowie (Brixton (allewijl Groet-Londe), 8 jannewarie 1947 - New York, 10 jannewarie 2016) waor 'ne Ingelse muzikant, acteur en sjèlder. Heer is veural bekind gewore um ziene kunszinneg ingestèlde popmeziek.

Zie Leve bewirk

Heer naom zien ierste nómmer op in de Ingelse stad Morden, in de R.G. Studio's. Rubber Band (zoewie 't nómmer hèt) woort metein 'n hit in gans Europa. Daonao volgde hits wie Changes, Ziggy Stardust, Let's Dance, Dancing In The Street, Heroes en mèt de band Queen Under Pressure. Bowie waor zienen tied erg wied veuroet wat te merke is op zien LP Aladdin Sane boe heer op de hoes e vreem besjèlderd geziech heet. Heer heel vaan 't extravagante en op ein vaan zien ierste plaote (The Man Who Sold the World) waor heer gekleid in e kleid, wat weer gesprekstof opleverde euver zien seksualiteit. Door de decennia heer beoefenden 'r 'n väölheid aon meziekstijle en naom heer diverse personages aon, boevaan Ziggy Stardust de bekindste is.

In 't midde vaan de jaore '80 späölde heer 'n hoofrol in de film Labyrinth, geproduceerd door Jim Henson. Zien tegespeulers waore, boete 'n ech meidske en 'ne baby, allemaol póppe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=David_Bowie&oldid=433800"