Danike

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Danike of Danèke (Nederlands: Daniken ) is 'n buurtsjap van Gelaen in Nederlands Limburg die allewiel deil oet maak van de gemeinte Zittert-Gelaen. 'n Gedeilte vilt ónger Sjweikese in de gemeinte Baekdale.

't Gedeilte dat ónger Gelaen vilt is gelaege tösje 't NS-sjtasjon Gelaen-Oas en de waeg Danike, wobie gezeen vanoet Gelaen 't lènkergedeilte bie de gemeinte Zittert-Gelaen heuërt en 't rechtergedeilte bie de gemeinte Sjènne.

't Gedeilte van Sjènne is metein ouch 't groatste deil, en sjtrèk zich oet van Kesjteël Sint Jansgelaen bie Sjpawbaek via Sjweikese tot aan de voot van de Keldenaer, de verbènjingswaeg tösje Gelaen en Pöt. Mèt ruum 50 inwoners is dit 't kleinste buurtsjap bènne de gemeinte Sjènne.

De Ómgaeving van Danike is van heël groate landjsjappelike waerd en is geleef biej de inwoners van Gelaen vanwaege de aanwezigheid van 'n oetgesjtrek recreatiegebied wo-ónger 't Danikerbosj en de, op 't gróndjgebied van Sjènne gelaege mèr door de gemeinte Zitterd-Gelaen óngerhawwe, kènjerboerderie en de oetgestjrekde wanjelpaedjes. In Danike ligk ouch de veurmalige sjteinfebriek "Plinthos" (ouch op Sjènnes gróndjgebied), die noe fungeert es informatiecentrum van "Landschapspark de Graven".

Brón

• Wikipedia NL, Daniken

.