Chirurgie

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Hieronymus Fabricius, Operationes chirurgicae, 1685

Chirurgie of heilkónde (Aadgrieks: χείρ cheír, "handj, erm" en ἔργον érgon = "wirk") is e medisch specialisme. De chirurg behanjeltj verwónjinge, tumore en infecties, mitnaam door 't oetveure van operaasjes.

Deilgebiede

De chirurgische vakgebiede zeen taemelik ingewikkeldj begrens. Dore toenummendje specialisaasje höbbe algemein chirurgen allewiel döks ein aandachsgebied. Los van 't verrichte van algemein ingrepe (wie blinjenderm- of galblaosoperaasjes) richte ze zich op specifieke gebiede:

• vaatchirurgie;
• GE-chirurgie (gastro-intestinaal);
• oncologische chirurgie;
• traumatologische chirurgie;
• kinjerchirurgie.

Daonaeve bestaon chirurgisch gerilleteerdje specialisme wie orthopedie, plastische chirurgie, neurochirurgie, cardiothoracale chirurgie, ougheilkónde, kael-, naas- en oearheilkónde, gynaecologie, urologie en kaakchirurgie.