Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De mage bie herkawwers:
(m. sloekderm); v. pens; n. nètmaag; b. bookmaag; l. lebmaag; (i. twellefvingerigen derm).

De bookmaag of blaadmaag (Letien: omasum) is d'n derdje vanne veer mage van herkawwers. Bie e vólwasse rindj haet d'r de gruuedje van 'ne foetbal. De beneuming vanne maag kump ómdet de binnewandj vanne maag hieël erg geploeadj zeen, wie de blajer van e book. Door dees ploeaje is de binnenoppervlakdje sterk-grótter. Inne bookmaag vindj absorpsje van water plaats. 'n Groeate oppervlakdje bevördertj dees absorpsje. Naeven 't water waeren ouch minerale ónttróch aan 't voor. Door 't óntrèkke van water en minerale kan de veerdje maag, de lebmaag, baeter zie wirk doon, namelik 't voor aanzoere en beginne mit 't spliete van eiwitte en kaolhydraote.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bookmaag&oldid=386050"