Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


Bookhaojing (döks ouch accountancy) is 'n óngerdeil van de bedriefseconomie en behils 't biehaoje van de administraasje van 'ne persoan of 'n instèlling.

Emes dae in deze bedriefstak wirkzaam is neump me 'ne bookhaojer of 'nen accountant. Lit waal op det de naam accountant neet gans stump, 'nen accountant is in Nederlandj 'ne wètmaesig-vasgelagdje beroopstitel veur emes dae specefiek jaorraekening controleertj of opmaak of financieel administraasjes oetveurtj; me haet hiebie 'n speciaal opleijing nuèdig.

'ne Bookhaojer controleertj de beuk van de óngernumming, meh kan ouch raod gaeve. Bie 'ne bookhaojer dae in opdrach wirk veur groate bedriever, ligk 't accent döks mièr op 't controlere; bie 'ne bookhaojer veur klein óngernumminge geit 't mièr euver 't gaeve van raod.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bookhaojing&oldid=393572"