Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'n Aviobrögk in Vancouver, Canada

'n Aviobrögk, officieus ouch waal vleegmachienslörf geneump, is 'n beweegbaar brögk die aon eine kant is bevesteg aon 'n terminal en beweginge touwsteit in drei riechtinge: zwunke in horizontaal en verticaal riechting en verkorte/verlenge. Daomèt kin 'n euverdèkte verbinding tot stand weure gebrach mèt eder vleegmachien wat ziech kort genóg bij de terminal bevint. Nao 't lande weurt de aviobrögk aon 't vleegmachien gekoppeld zoetot de passageers 't vleegmachien kinne verlaote en nui passageers kinne instappe. Meistens bevint ziech bij eder aviobrögk 'n gate boe de vertrèkkende passageers kinne wachte tot zie mage instappe. De aviobrögk en de gate höbbe dezelfde nómmer.

Naodeile bewirk

Naodeil vaan 'n aviobrögk is tot 'r minder flexibiliteit is in de opstèlling vaan vleegmachienes. Maak 'n vleegmachien 'n tösselanding tösse 'n binnelandse en 'n internationaal vlöch, daan is 't gebruuk vaan 'n aviobrögk oonpraktisch, umtot de passegeers, vaanwege douaancontroles, vaanoet 'n aander deil vaan 't lochhavegebouw mote in- en oetstappe.

'n Aander naodeil is tot de oetstappende passageers terechkoume bij de gate, dus bij de instappende passageers, boenao zie nog 'n laank stök mote loupe nao de bagaasjhal, dewijl 'n bös de passageers direk nao de bagaasjhal bringk.

Opstèlling vaan vleegmachienes bewirk

Aaonvaankelek waor 't gebrukelek tot vleegmachienes evenwijeg aon 't gebouw woorte geparkeerd. De aviobrögke móste daodoor vrij laank zien, laank genóg um euver de vleugel te reike. Daobij waor ruimte nudeg veur 't manoeuvrere vaan de vleegmachienes. Allewijl zèt me de vleegmachienes liever mèt de neus nao 't gebouw. De aviobrögk is daan vrij kort en de vleegmachines kinne korter bie-ein stoon. 't Vleegmachien vertrèk vaan de gate door middel vaan 'ne pushback: 't weurt door 'n speciaol oontworpe voertuig nao achtere geduid. Op 'ne veilegen aofstand vaan de poort maag 't vleegmachien pas zien motore starten, um versjendelereng aon 't gebouw te veurkoume. Daonao krijg 't vleegmachien clearance um nao de startbaon te taxië veur vertrèk.

Aonkoms bewirk

Op 't gebouw bevint ziech 'n paniel mèt informatie vaan de versjèllende vleegmachientypes, boe-aon de piloot kin zien of heer perceis bij de aviobrögk geparkeerd steit. Deit heer 't good, daan hoof de brögk allein nog meh in huugte verstèld te weure.

Vertrèk bewirk

'n Vleegmachien is neet oontworpe um op eigen krach achteroet te rije (allewel 't in princiep wel meugelek is). Daorum is 'ne tractor nudeg dee 't vleegmachien achteroet duid veurtot 't kin vertrèkke.

Pleetsjes bewirk

 
Commons
In de categorie Jet bridges van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Aviobrögk&oldid=350976"