Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Bornesen orang-oetan (Pongo pygmaeus), 'nen aap vaan d'n Awwe Wereld.
Griesgreun doedskopeepke (Saimiri sciureus), 'nen aap vaan de Nuie Wereld.

Ape (Simiiformes (Haeckel 1866) of Anthropoidea Mivart 1864)) zien 'n infra-orde vaan Primaote, same mèt de Spookdierkes deil vaan de oonderorde Haplorhini. In vergelieking mèt aander primaote zien dees ape hendeg beweeglek, en wie hun verwante leve ze euver 't algemein in buim. De soorte zien herbivoor, sommege omnivoor. De mieste soorte zien daagactief. De herses zien hoegoontwikkeld, veural bij de zoegeneumde minsape; ouch 't geziech is sterk oontwikkeld; 't nump veur e good deil de plaots vaan de reuk in, die mer rudimentair is.

Taxonomie bewirk

Sinds 'n aontal jaore zien biologe 't oonderein ins tot de spookdierkes, wie bove al gezag, relatief ing verwant zien aon de ape, en tot de aander haafape (Strepsirrhini geneump) dao wijer vaanaof stoon. Ouch de indeiling vaan de ape oonderling gief neet al te väöl probleme mie. Umtot 't hei de mins en zien ingste verwante betröf, is dit taxon oetveureg bestudeerd, zoetot zoewel de bouw wie 't DNA en de fossiel historie good bekind zien. Hèlt me rekening mèt alle tösseligkende niveaus, daan umvatte de ape dees femilies:

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ape&oldid=391286"