.eu
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.eu is 't tópleveldomein vaan de Europese Unie (EU). Dees code woort es ierste ccTLD's (landcode TLD) euvergedrage aon EURid vaan de Europees Kemissie op 7 december 2005 um 11:00. Daovéúr woort 't domein inkel gebruuk door de Instèllinge vaan de EU (wie de Kemissie, d'n Europese Raod en 't Europees Parlemint. Sinds 7 april 2006 maag 't domein gebruuk weure door ederein veur zien eigeleke meining: veur registrante binne de Europese Ikkenomische Ruimte (European Economic Area, EEA). 't Buut vaan .eu is veural deensbaar te zien veur pan-Europese en grenseuversjrieënde bedrieve, organisaties en aander bedoelinge. Vaanaof miert 2016 gief 't ouch 'n cyrillische versie vaan 't .eu-domein: .ею, wat veural gebruuk weurt door Bölgaarstaolege. Ouch 't Grieks domein vaan .eu woort toen geïntroduceerd: .ευ. Op 1 jannewarie 2021 woorte 81.000 .eu-domeine stopgezat die waore geregistreerd in 't Vereineg Keuninkriek (VK). Vaanaof deen daag góng naomelek de Brexit in en waor 't VK gei lid mie vaan de EU, noch vaan de EEA.