Solar Dynamics Observatory

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Solar Dynamics Observatory (SDO) is 'n NASA missie um veur 5 jaor de Zon te observere. De lancering moos op 10 fibberwarie 2010 plaotsvinde, mer woort oetgestèld in verband mèt helle wind. De lancering heet oeteindelek op 11 fibberwarie 2010, um 16:23 Nederlandsen tied, plaotsgevoonde. 't Doel is um de invlood vaan de Zon op de Eerd en de ruimte roondum de Eerd te bepaole door de atmosfeer vaan de Zon te bestudere.

SDO geit bepaole wie 't magnetisch veld vaan de Zon oontsteit en gestructureerd weurt en wie die opgeslage magnetische energie umgezat weurt en terechkump in de heliosfeer en de ruimte in de naoventrint vaan de Eerd.

De SDO woort gelanceerd mèt 'n Atlas V-rakèt vaanaof Cape Canaveral Space Launch Complex 41, en drejt um de Eerd in 'n geosynchroon baon, op 36000 km huugde.

Wetensjappeleke instruminte

De SDO heet drei wetensjappeleke instruminte aon boord:

Extreme Ultraviolet Variability Experiment

Dit is 'n instrumint um de extreem ultraviolet straoling, of beter de variabiliteit dao-in te mete.

Helioseismic and Magnetic Imager

De HMI bestudeert de binnekant vaan de Zon en de magnetische aktiviteit.

Atmospheric Imaging Assemby

De AIA maak opnames vaan de volledege zonnesjijf in versjèllende ultraviolet en extreem ultraviolet bandbreidtes.

Extern link

• Website vaan SDO bij NASA