Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Slochteren
Gewaeze gemeinte in Nederlandj

Veendel vaan Slochteren

Waope vaan Slochteren

Ligking vaan Slochteren in Groningen

Gevörmp
Opgehaeve 2018
Opgegange in Midde-Groninge
Provincie Groninge
Hoofplaats Slochteren
Opperflaakde (bie opluffing) 158,87 km²
– daovan water: 7,84 km²
Inwoeners (kort veur opluffing) 14.742 (8-2017)
deechde: 98/km²
Lies van börgemeisters

Slochteren (Gronings: Slochter) is e dörp in de Nederlands gemeinte Midde-Groninge (provincie Groninge). De dörpskern heet 't karakter vaan e weegdörp. Bij Slochteren ligk de Fraeylemaborg, e boetehoes op de plaots vaan e middeliews kestielke.

Tot 2019 waor Slochteren 'n zelfstendege gemeinte, die neve 't dörp Slochteren ouch nog de kerne Froombosch, Harkstede, Hellum, Kolham, Luddeweer, Overschild, Scharmer, Schildwolde, Siddeburen, Steendam en Tjuchem en 'n aontal gehuchter umvatde.

Historie bewirk

Slochteren weurt veur 't iers geneump in 1169 es Slochtra. Laank waor Slochteren veural e dörp wat leefde vaan 't törfsteke. In 1821 woort de gemeinte Harkstede aon Slochteren touwgeveug, in 1826 ouch de gemeinte Siddeburen.

In 1959 woort hei 'nen enorme gaasbel oontdèk, die op 't memint vaan aonbaore 2700 kubieke kilometer groet waor. Sinds de jaore zèsteg veurzuut dit veld Nederland en 'n aontal aander Wes-Europese lan vaan eerdgaas. Door de eerdsjókke die de gaaswinning sinds de jaore tien veroerzaak is dit evels sinds e paar jaor sterk aofgebouwd; binne inkel jaore zouw de productie gans nao nul mote goon.

Op 1 jannewarie 2019 góng Slochteren same mèt Hoogezand-Sappemeer en Menterwolde op in de nui gemeinte Midde-Groninge.

 
Commons
In de categorie Slochteren van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Slochteren&oldid=460339"