Sjtrabatse

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Sjtrabatse (sóms sjtrapatse, sóms strapatse) is ein in väöl deile van Limburg gebruuk woord veur vermeujende, ónzinnige insjpanning. Sómmige luuj gebruke dit woord ouch waal es emes kattekwaod (sjtrabatse) oethaolt.
Wiejer kènne v’r in sómmige dialekte ouch ’t woord sjtrabatsemaeker. Zoa wirt emes geneump dae dich op dien zenuwe wirk mer ouch emes dae kattekwaod oethaolt.

Etymologie

't Woord is aafgeleijd van ’t Duutsje strapazieren wat beteikent emes aafmatte, aafbeule. Strapazieren zouw weer zeen aafgeleijd van 't Italiaanse strapazzo.

Gezègkde

• Ich bèn väöl te meug veur die sjtrapatse – Ned.: Ik ben veel te moe voor die inspanning.
• Gein sjtrabatse oethaole – Ned.: Geen bokkesprongen maken.