Staol

(Doorverweze van Sjtaol)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Staole brögk.
'nen Hoeagaove in bedrief.

Staol is 'n legering die besteitj oet iezer en kaolstof. De term staol wuuertj mit naam gebroek veur iezerlegeringe mit 'n zoeadanig bepirk kaolstofgehaldje (tupisch minder es 1,9%) of gehaldje aan toeveuginge wie chroeam, det ze werm vervörmp kónne waere. Hie-in óngersjèdj staol zich van beveurbeildj geetiezer, det e hoger kaolstofgehaldje haet.

't Guuef väöl versjillige legeringe mit dees twieë elemente, meistes ouch mit anger bestandjsdeile; väöl saorten aan staol bestaon dus. Dore groeate kuues en zien gooj bewirkbaarheid is 't e väöl-gebroek constructiematterjaal. 't Kaolstof wuuertj gebroek veur 'n hoeag trèksterkdje en helheid te verkiege.

Weltwied wuuertj jäörliks óngevieër 900 miljoen tón aan staol geproduceerdj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Staol&oldid=436819"