Sjeng Rouvroye

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Sjeng Rouvroye ies 'ne diechter en toneelsjriever oet Vilt. Hae sjrief in 't dialek van Vilt, woa hae in 1922 ies gebore.
Bie de toneelclub van Vilt de Vriendenkring ies hae neve acteur ouch de regisseur. Naojaor 2005 ies zien allerlètste toneelproductie, de einacter Vrundsjap en laevesvreugde, oetgeveurd.

Publikaties

• Dialeksjtökskes in 't weekblaad 't Land van Valkenburg
• 1992 in bloomlezing Rierank van Veldeke-Valkeberg
• 1996 in Bloomlezing Veldeke-Literair nr. 7
• Diverse toneelsjtökker

Sjtäölke

Slivvenhièr pakde e knäöke grónd
't waor neet väöl, neet sjoan, neet rónd
Hae sjmeet 't weg: "Dat 't vilt woa 't vilt!
en dat woort doe 't dörpke Vilt
Vilt, effe aan Valkeberg geplak,
zoa roew e weg dao neergesjmak
e bakkes, ein hóndshut, ein kapel en ei sjop
eigelik nog minder es 't zout in de sop
Meh veer höbbe dat knäöke inhoud gegaeve
Noe ies 't e sjtökske van oos laeve

oet Rierank 1992